MAC ta entrega ‘Monsterboekje’ na studiantenan di Nilda Pinto SBO na Brievengat
MAC ta entrega ‘Monsterboekje’ na studiantenan di Nilda Pinto SBO na Brievengat
Willemstad – Dia 22 di mart 2022 Outoridat Marítimo di Kòrsou (MAC) a entrega ‘Monsterboekje’ na 4 studiante di e sektor nóutiko di Nilda Pinto SBO na Brievengat. Un ‘monsterboekje’ ta e pasaporte pa nabegantenan.
E 4 studiantenan ta:
- M.Valenzuela Lopez,
- J. Celestina,
- R. Pantophlet,
- W. Rosa
Ku entrega di e ‘monsterboekje’ e hóbennan aki ta kla pa kuminsá nan stazje komo parti di nan karera marítimo.
Riba e potrètnan por a mira e futuro nabegantenan, personal di MAC i tambe nan maestronan.