Parlamentario Ana Maria Pauletta Bishita di trabou na Klinika Capriles, kaminda mi a papia ku e direktor mediko, kordinadó di kuido di FMA i tambe kordinadó finansiero di FMA.

Salú Mental ta un parti hopi biaha lubida den e sektor di kuido. Manera hopi kos e pandemia di COVID a mustra mas kla ainda e retonan den e sektor aki.

Depreshon, dependensia na supstansha, komportashon adiktivo, desorden di stress i hopi mas. I kada un desorden ku su konsekuensia sosial, ekonomiko i salú.

Banda di atenshon riba finansas i ekonomia, komo trahadó sosial mi tin atenshon dirigí pa e área sosial. Nos no por pèrdè for di bista e efektonan emoshonal – sosial di e pandemia. I hasi nos mes e preguntanan nesesario, kon pa duna sosten i aporte.