E siman aki Minister Maduro ta atende IMF su ‘Spring Meetings’ na Washinghton Aruba ta gradici pa tur asistencia tecnico ricibi di IMF

 

E siman aki Minister Maduro ta atende IMF su ‘Spring Meetings’ na Washinghton

Aruba ta gradici pa tur asistencia tecnico ricibi di IMF

ORANJESTAD – Tur aΓ±a na april y oktober e Ministernan di Finansa y e Presidentenan di Banco Central di mundo, ta reuni na e oficinanan principal di Fondo Monetario Internacional (IMF) na Washinghton. E pandemia a pone cu pa 2 aΓ±a largo e mandatarionan no por a topa cu otro personalmente pa por reuni, informa y intercambia pensamento riba topiconan di interes mutuo di e mundo financiero. E siman aki pa promer bes IMF ta habri porta pa ricibi un grupo relativamente chikito den e reunionnan anual di ‘Spring Meetings.’ Pa e evento aki Reino Hulandes como un di e Paisnan donor di IMF ta presente y Minister Maduro di Finansa tambe ta forma parti di e delegacion di Reino Hulandes.

 

Aruba ta gradici pa tur e asistencia tecnico ricibi di IMF

Minister Maduro ta hiba e mensahe di gratitud pa e bon cooperacion cu Aruba a ricibi fo’i IMF den e ultimo aΓ±anan. IMF a brinda asistencia tecnico riba diferente tereno, entre nan, reforma fiscal, gastonan di personal, a valida cifranan di cuenta anual di Pais Aruba, a valida modelo macro-economico MARUBA di Departamento di Economico y mas recien a haci tambe un investigacion pa e mehoracion di e servicio di Aduana. Banda di esaki, IMF cada pasa dos aΓ±a ta evalua e sistema financiero y economico di Aruba, cu ta resulta den informacion macro-economico importante pa e credibilidad financiero di nos Pais. Minister Maduro ta contento di por a conta cu e sosten di IMF su team tambe durante e pandemia y por informa cu tur asistencia brinda pa IMF ta wordo uza pa desaroya e cambionan necesario na bienestar di Aruba.

Share this page to Telegram

This site uses Akismet to reduce spam. Learn how your comment data is processed.

%d bloggers like this: