Kontinuashon di deliberashon ku Minister Presidente, Minister di Desaroyo Sosial, Labor i Bienestar i Minister di Finansa tokante indeksashon di AOV konforme e lei i su finansiamentu

Djaluna, 4 di mei 2026, Parlamento di Kòrsou a kontinuá ku e Reunion Públiko ku a keda di skòrs djaweps, 5 di mart 2026.

Na komienso di e reunion, Presidente di Parlamento, sr. Fergino Brownbill, a duna oportunidat na Minister di Desaroyo Sosial, Labor i Bienestar, sra. Charetti America-Francisca, Minister di Finansa, sr. Charles Cooper, i Minister Presidente, sr. Gilmar Pisas, pa kontestá e preguntanan ku a wòrdu hasi dor di Miembronan di Parlamento den e promé tanda.

Despues di a risibí e kontestanan di parti di Gobièrnu, Presidente di Parlamento a habrí e di dos tanda pa Miembronan di Parlamento por hasi nan disertashonnan i preguntanan na e Ministernan presente.

Na final di e di dos tanda di pregunta, representantenan di Gobièrnu a pidi algun ora di tempu pa por prepará nan kontestanan. Presidente di Parlamento a skòrs e reunion pa dos ora pa duna e Ministernan e oportunidat pa prepará nan kontestanan.

5.30or di atardi, Presidente di Parlamento a reaundá e reunion. Minister Cooper a kontestá tur preguntá hasí na nòmber di Gobièrnu.

Finalmente Presidente a klousurá e reunion.