Personal di SDKK ta bishitá Boneiru

Willemstad/ Kralendijk – Resientemente un delagashon di personal di Sentro di Detenshon i Korekshon Kòrsou (SDKK) a hasi un bishita di trabou na Boneiru organisá pa e Komishon di aktividat sosial pa personal di prizon.

E delegashon a hasi bishita na entre otro kuerpo di bombero Hulanda Karibense (Brandweerkorps Caribisch Nederland, BKCN), na kuerpo polisial Hulanda Karibense (Korps Politie Caribisch Nederland, KPCN) i na Instituto Hudisial Hulanda Karibense (Justitiële Inrichting Caribisch Nederland, JICN). E meta di e bishitanan aki tabata pa haña un bista mas mihó di e diferente tareanan i manera di traha den kadena hudisial na Boneiru. Tambe e delegashon a bishita Fundashon Krusada ku ta traha diariamente riba varios areanan di resosialisashon.

Pa ku e okashon aki e delegashon por a disfrutá di akitividatnan sosial organisá pa Rijksvertegenwoordig, sera konosi ku e isla i tambe a forma parti di aktividatnan kultural ku a tuma lugá den kuadro di dia di Rincon.

Finalmente por mira bèk riba un bishita di trabou eksitoso i balioso.