MENTAL HEALTH PROMOTION IN THE YOUTH FIELD

MENTAL HEALTH PROMOTION IN THE YOUTH FIELD

Kòrsou ta anfitrion

Training di organisashonnan Oropeo i lokal riba salú mental hubenil na Kòrsou

Un proyekto finansiá pa  Erasmus-plus Europe

 

Representantenan di 10 organisashon Oropeo dirigí riba desaroyo di hubentut huntu ku 3 organisashon lokal ta partisipá na un  training titulá  MENTAL HEALTH PROMOTION IN THE YOUTH FIELD

ku a kuminsá 5 di mei I lo dura te ku djabièrnè dia 13 di mei binidero.

 

E proyekto finansiá pa e fondo Europeo Erasmus+ Youth ta konta ku partisipashon di e siguiente organisashonnan Oropeo i lokal

• Breakthrough (Hulanda),
• Marlijn Academie (Hulanda)
• Think Forward (Inglatera),
• Ik Ben Open (Hulanda)
• Kids in Action (Gresia),
• Associazione Interculturale NUR (Italia),
• Asociatia Youthopolis (Rumania)
• Vice Versa CZ ZS(Cheko Slowakia),
• Go Europe (Alemania),
• Cão Danado (Portugal),
• Skuchami (Curaçao)
• Soul Garden (Curaçao).
• Mazeli Curaçao Consultants (Curaçao)

 

Un total di 30 kursista Oropeo  i lokal lo pasa den un programa ekstenso pa desaroyá i amplia nan konosementu riba strategia i métodonan ku eksitosamente  ta ser apliká i promové den e área di Salú Mental Hubenil, bou di guia di sra. Sandra Zoomers, sra. Vicky Pronk , sr. Steve Burns I sr. Martynas Stukas.  kualnan ta ekspertonan renombrá den e área menshoná.

Pa krea  oportunidat pa mas organisashon lokal sera konosí ku e organisashonnan Oropeo ku ta di bishita, lo organisá un YOUTH WORK EXCHANGE MARKET dia 11 di mei benidero.  Durante di e enkuentro aki organisashonnan por  interkambiá informashon i ideanan nobo pa lansa proyektonan di koperashon, pa asina apliká huntu pa e fondo Europeo Erasmus+ Youth i  European Solidarity Corp .

 

Pa prepará pa e YOUTH WORK EXCHANGE MARKET, organisashonnan lokal lo  partisipá na un webinar di EU-desk den kual ta duna informashon tokante e fondonan Oropeo i risibí un link di  Plataforma Curaçao Region of Learning, riba kual tin instrukshon pa un tarea preparativo spesífiko. Esnan ku ehersé e tarea lo risibí un sertifikado digital (bedge),  komo prueba di nan preparashon pa e YOUTH WORK EXCHANGE MARKET.

 

E siguiente organisashonnan ta orguyoso di  por ta patrosinadó di e aktividat aki na Kòrsou

 

 

 

 

                    EU DESK CURAÇAO(MEO)              MAZELI CURAÇAO CONSULTANTS                   BREAKTHROUGH

I Sektor Famia i Hubentud (SOAW)

 

Pa mas informashon por tuma kontakto ku Mazeli Curaçao Consultants , Lisandra Martis, 5999-569-0175 of  5999-6708152 of manda un  mail na info@mazelionline.com