Den cooperacion cu diferente  Instancia a Celebra  dia di Rey na “Klooster Imeldahof”

Fundacion Kapel di Bethania( FKB) hunto cu Museo Arqueologico Naciona Aruba ( MANA) y otro instancia y persona manera Stichting Vrienden van het Sport Centrum San Nicolas, IBISA,  Fundacion 1403  y Scout San Dominico a traha hunto pa ofrece un evento asina bunita den e bario di Noord. Specialmente e muchanan y tambe comunidad di Aruba por a goza di un mainta familiar na “Klooster Imeldahof”.

Mientras e muchanan hunto cu nan mayornan tabata pasa pret hungando diferente weganan tradicional of hisa fli, otronan a pasa pa haci e workshopnan cu a ser ofreci pa e artistanan Gloria Feliciano y Erika Moran, cu glas di lama y pintamento. Asina  tambe otronan tabata cana rond admirando of haciendo e quiz di e exposicion y  e kapel.  A pasa na e “photobooth” pa asina saca potret familiar como un recuerdo di e dia cu e decoracion special haci pa dia di Rey. Por a cana rond pa wak y cumpra na e mini bazaar y sin lubida a disfruta di un sopi y snacks ofreci pa FKB y scout. Tur esakinan hunto a hacie un dia cu hopi  actividad pa un y tur.

Na final di dia, a termina pa saca premionan  di e caarchi di actividad, esaki ta un di e formanan cu FKB  a haci pa asina logra haña fondo pa sigui mantene y conserva e Kapel, exposicion y edificio. Un danki ta bai na comerciantenan cu a coopera asina bon cu Fundacion Kapel di Bethania pa por a logra otorga e premionan aki na e participantenan.

Ganador di e actividad aki ta, XXXX cu a gana un ‘weekend stay’ danki na Caribbean Palm Village Aruba, XXXXX a gana unsunsetsail cortesia di Pelican Adventures, XXXX ……

Asina tambe ta gradici Subway pa na generosidad di a regala dos plater pa e muchanan di Kinderhuis Imeldahof por a difruta como nan particiapacion na e dia aki.

Fundacion Kapel di Bethania ta sumanete agradici cu tur e instancianan y comercio cu a haci nan esfuerzo pa  comunidad pero especialmente cu nos muchanan por a pasa un dia asina dushi celebrando dia di Rey. Ta recorda tur hende cu lo tin gana di pasa bishita Klooster pa e 2 exposicionnan of pa bishita e Kapel, cu esakinan  ta habri pa publico tur dialuna, diaranson y diahuebs for di 9 am te cu 3 pm.

Si ta desea di haci un donacion na nos Fundacion Kapel di Bethania, lo ta posibel tambe pa deposita riba nos cuenta di Banco na Aruba Bank number di cuenta : 6021690190. Di antemano ta gradici pa e gesto aki y asina yuda nos pa preserva y sigui cuida  e kapel di Bethania y e exposicion  di “Historia di Parokia di Noord”.