KÓDIGO HEL: UN MENSAHE DI PREKOUSHON PA STÒF DI SAHARA EKSESIVO TA NA VIGOR PA KÒRSOU. Pronóstiko di tempu pa Kòrsou i bisindario bálido te djabierne mainta 06:00 o.l., 20 di mei 2022.

 

Day:	Djaweps	Djabièrnè	Djasabra	Djadumingu	Djaluna
	parsialmente nublá	bastante bientu	parsialmente nublá	parsialmente nublá	parsialmente nublá
Rain probability:	0%	0%	0%	0%	0%
High:	31ºC / 88ºF	32ºC / 90ºF	32ºC / 90ºF	32ºC / 90ºF	32ºC / 90ºF
Low:	27ºC / 81ºF	27ºC / 81ºF	27ºC / 81ºF	27ºC / 81ºF	27ºC / 81ºF
Sunrise time:	06:11	06:11	06:11	06:10	06:10
Sunset time:	18:54	18:54	18:54	18:55	18:55
Wave heigth (meters):	1.5 – 2.0	1.5 – 2.0	1.5 – 2.0	1.5 – 2.0	1.5 – 2.0

Pronóstiko

Pronóstiko di tempu pa Kòrsou i bisindario bálido te djabierne mainta 06:00 o.l., 20 di mei 2022.
Kompilá: djaweps 19 di mei 2022, 05:00 o.l. (09:00 UTC).

KÓDIGO HEL: UN MENSAHE DI PREKOUSHON PA STÒF DI SAHARA EKSESIVO TA NA VIGOR PA KÒRSOU.

Tempu: Parsialmente te hopi nublá i un wer seku lo prevalesé.  Bientu lo kontinuá de bes enkuando fuerte ku un visibilidat redusí.

Temperatura máksimo lo alkansá 31ºC i temperatura mínimo 27ºC.
Solo ta sali 06:11 i ta baha 18:54 o.l.

Bientu: Generalmente for di ost i moderá te basta fuerte; forsa 4 te 5 (20 te 39 km/ora, 11 te 21 nudo). De bes en kuando fuerte te posiblemente duru den ráfaga; forsa 6 te 7 (40 te 61 km/ora, 22 te 33 nudo).

Situashon general: Durante di próksimo 24 ora, kondishon atmosfériko lo sigui stroba desaroyo di nubianan signifikante den nos region i pa e motibu aki e kondishon di tempu ta sigui prinsipalmente seku. Mas aleu, santu fini di Sahara ta plamá riba e sekshon ost den Karibe i lo ta responsabel pa un bista limitá den nos region. Tambe bientu lo mantené un forsa relativamente fuerte den nos área.

Kondishon di laman: Moderá te basta brutu ku altura di olanan entre 1 i 2 meter (4 i 7 pia). E olanan di mas haltu lo ta riba laman habrí. Ta konsehá e komunidat marítimo pa no alehá muchu di kosta, ya ku e bista general lo ta limitá pa e santu di Sahara.

Sistemanan tropikal signifikante: Ningun.

Fenómeno spesial: Ningun.

Perspektiva te djasabra mainta: Parsialmente nublá i seku. Bientu lo kontinuá de bes enkuando fuerte ku un visibilidat redusí.

Meteorólogo: Abraham.

 

BOLETIN SPESIAL Nr. 1

SERVISIO METEOROLÓGIKO KÒRSOU DJÁRASON, 18 DI MEI 2022, 06:00 O.L. UN MENSAHE DI PREKOUSHON (KÓDIGO HEL) PA STÒF DI SAHARA EKSESIVO TA NA VIGOR PA KÒRSOU. ******ANÁLISIS DI PRONÓSTIKO TA INDIKÁ POSIBILIDAT DI STÒF DI SAHARA EKSESIVO NA KÒRSOU ******

 

E KONDISHONNAN AKI LO DURA FOR DI DJÁRASON, 18 DI MEI 2022, 06:30 O.L. TE DJAWEPS, 19 DI MEI 2022, 06:30 O.L.

 

IMPAKTO ANTISIPÁ: Redukshon di visibilidat Alergia di un persona por bira pió of kousa síntoma di problema di respirashon.

 

MEDIDA DI PREKOUSHON: Ta konsehá usuario di boto chikí pa no nabegá leu for di kosta Keda mas tantu posibel den kas, ku bentana será Si bo ta sufri di alergia, usa e remedinan anti-alérgiko ku dòkter a preskribí bo Tene bentana di outo será i usa èrko mas tantu posibel Limitá aktividat físiko pafó mas tantu posibel i usa tapa boka

 

DEFINISHONNAN: Un Boletin Spesial ta ser emití pa eventonan di wer ku ta kousa inkonbeniensia general òf preokupashon den pueblo (ku ta rekerí atenshon i akshon di outoridatnan di brantwer i polis) i ku no por ser deskribí na un manera adekuá den un pronóstiko di tempu regular. Un Mensahe di Prekoushon pa Stòf di Sahara Eksesivo ta un anunsio pa ora ku stòf eksesivo ta posibel (probabilidat ménos ku 30%) pa un peliger natural ku un impakto mínimo. E frase ku ta kuminsá ku E KONDISHONNAN AKI LO DURA FOR DI ta duna un aproksimashon di e periodo di durashon di e kondishonnan di peliger.