google.com, pub-5639114718427035, DIRECT, f08c47fec0942fa0

Minister di Desaroyo Ekonómiko, sr. Ruisandro Cijntje a biaha pa St.Maarten huntu ku direktor di Curoil, sr. Yamil Lasten.

Minister di ekonomia, sr. Cijntje huntu ku Yamil Lasten, direktor di Curoil a hasi un bishita di trabou na St. Maarten i a reuní ku Minister Omar Ottley kende ta e minister di salu públiko, desaroyo sosial i labor i alabes ta fungí komo minister di ekonomia.

 

Durante di e bishita aki nan a risibí un ‘rondleiding’ na e container haven i tambe e “cruise terminal” di St.Maarten. Minister Ottley a elaborá riba posibel koperashon ku e kompanianan di SXM Harbor pa loke ta trata bunkering na St. Maarten.

 

Minister Cijntje i Minister Ottley a interkambia riba e desaroyonan den mundu krusero i posibilidatnan pa nos hendenan lokal, tantu di St. Maarten i Kòrsou laborá den e industria aki.

 

Tambe a deliberá riba e diferente retonan riba efektividat di kontainer haven i kon por alsa efektividat den e proseso di trabou dor di studia e prosedura nan ku ta ser implementá na St.Maarten. Opshonnan manera stapel di 4 container bashi riba otro den e bientu fuerte ku tin na St.Maarten i kon nos por hasi ahusté na nos proseduranan pa alsa produktividat.

 

Finalmente Minister Cijntje i sr. Lasten a reuní ku Minister Egbert Doran enkargá ku e kartera di entre otro infrastruktura i medio ambiente. Durante di e reunion aki a elaborá riba e diferente posibilidatnan pa CUROIL por traha ku e kompania lokal di utilidat, GEBE riba e proyekto di waste to energy.

 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: