Análisis di krimenan di impakto haltu.

KOMUNIKADO DI PRENSA 288 /2022
7 yüni 2022
Análisis di krimenan di impakto haltu.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Krímennan di impakto haltu durante di e periodo di 30 di mei pa 5 di yüni 2022 a duna e
siguiente resultado.
Atrako
Tabatin sinku (5) kaso di atrako. E atrakonan a tuma lugá riba djárason i djasabra durante di
e orarionan 11.00’or – 12.00’or i 22.00’or i 24.00’or.
Algun di e manera di operá di e sospechosonan tabata dor di baha tayer di outo di e víktima
i asina ei atrak’é na momentu ku e baha for di outo.
Otro táktika ku a keda usá ta dor di persiguí e víktima i despues ser’é ku outo.
Nan a tuma lugá na Caracasbaai, Eendweg, Kaminda Rooi Santoe i Kaya Kafetan.
Ladronisia di vehíkulo
Den e periodo aki polis no a risibí ningun notifikashon di ladronisia di outo.

Kiebro den kas
Polis a registrá seis (6) kiebro den kas. Mayoría di e kiebronan aki a tuma lugá riba djasabra
entre 00.00’or – 03.00’or.
Malechornan a penetrá dor di fòrsa hekwerk of kibra porta.
E kiebronan aki a tuma lugá na Residensia Yalusi, Parallelweg, Kaya Merlot, Kaya
Koronashon i Kaya Karabana.
Kiebro den negoshi
A konfirmá 1 kiebro den negoshi i el a tuma lugá riba djasabra entre 03.00’or i 06.00’or.
Malechornan a penetrá den e edifísionan dor di kibra un bentana di un gym situá na Kaya
Koronashon.
Kiebro den/na outo
Tabatin seis (6) kiebro den outo, ku a tuma lugá riba prinsipalmente djabièrnè entre
13.00’or i 16.00’or.
E método ku mas e malechornan a usa tabata di kibra e bentanan di porta di patras.
E sítionan na unda a kibra na e outonan aki tabata Caracasbaai (3), Caracasbaaiweg, St. Joris
i Weg naar Willibrordus.
Violensia relashonal
Polis mester a atendé seis (6) kaso di violensia relashonal, di kua mayoria a tuma lugá riba
djaweps.
Mayoría di e kasonan aki a tuma lugá entre 01.00’ i 02.00’or.
E áreanan kaminda ku polis mester a duna asistensia pa e tipo di violensianan aki, tabata for
di Tra’i Seru te ku Piscadera.