Jegada Selekshon femenino Senior for di Argentina

Despues di un partisipashon meritorio na e kampionato Sur Amerikano di sòftbòl femenino señor,  nos selekshon patronisa pa MCB i FDOK a logra gana MEDAYA di BRONS.

Nos selekshon a konsistí di 10 miembro nobo ku pa promé bia a forma parti di selekshon di Kòrsou.

Djabièrnè nos a gana di Perú pa knock out 7 pa 1 segurando e medaya di bròns. E sirkunstansia na tereno a afektá mayoria di nos muchanan, un stof fini tabata supla kombiná ku e friu e pone ku e muchanan a lanta malu djasabra. Apesar di esei nos a bai kara na laria kontra di Argentina , finalmente den un wega bon bringa nos a kai vensí 3 pa 1.

Den premionan individual, Joanna Benita a resultá e mihó primera base di e torneo.

J’DAH Girigorie ta e picher ku e miho ERA di e torneo, un era di 1.050

Nos ta masha orguyoso di nos muchanan ku a lucha balente kontra di rivalnan fuerte di sur

 Amérika.

Pa motibu aki  nos ke invitá pueblo di Kòrsou pa bin risibí nos muchanan djadumingu 12 di yüni 5or di atardi ora nan regresá bek di Argentina.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: