Miembro Trabou Pa Kòrsou TPK, Abigaïl Mahalja Boelijn Lesa, investigá, sifra, rapòrt, website, google i lei mes nada Parlamentario nan mester madurá den sala di parlamento Stòp di tuma tur kos personal i wak pais

Abigaïl (Abi) Boelijn di Trabou pa Kòrsou TPK pa algun luna ta sigui reunionnan di parlamento di Kòrsou. Boelijn a bin ta konstatá un aktitut di falta di madures ora parlamentarionan ta atendé asuntu di pais den sala di parlamento. Den e órgano mas haltu di pais Kòrsou, na luga di nos parlamentarionan kuminsá duna i mustra e bon ehèmpel pa komunidat. 

 

Mantene e kultura di nos norma i balornan ku nos grandinan a siña nos, pa kada un kos chikitu ta kuminsa un diskushon EMOSHONAL sin kontenido. Asina nan tende nan nomber, ta pidi presidente “persoonlijke feit”.  Ta asina lihe un parlamentario ta trapa tenchi di pia di un otro parlamentario? 

Pero ora ta trata di kontenido mes, algun ta papia 20 minut largu sin bisa nada ku kontenido di e topiko di reunion. Ta hopi bisto ku diferente parlamentario no ta lesa, investiga i prepara prome ku reunion. Pero pa diskuti emoshonal sin kontenido si nan por.  Boelijn no ta ninga ku e parlamentario nan ta refleho di komunidat.

 

Boelijn ta hasi un yamada na parlamentarionan pa stòp di ataka otro, pero informa boso mes promé i kontraresta otro su ponensia ku informashon bon fundá ku sifra i ehempelnan lokal i internashonal. Bisa for di kua rapòrt, pagina di wèp of dokumentu bo a sake. Awendia tin asta google. Purba di konstruí i sea transparente pa pueblo. Pueblo mester kuminsa mira parlamento bèk komo ehèmpel pa asina Kòrsou kuminsa bai dilanti.

 

Boelijn ta remarka ku kanando den bario, pueblo ta bisa di ta kansa di mira negatividat kaminda nan mes tin problema. Parlamentario nan kuminsá bini ku solushon, stop di keda papia hopi sin bisa nada, ataká otro sin bin ku solushon ku ta laga pueblo mira ku ta di berdat nan tin bon intenshon pa nos país. Stop ku e komportáshon di selebridat ku no ta yena pueblo su barika. Pueblo ke mira e lus di speransa.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: