KOPERATIVANAN NA KÒRSOU TAMBE TA PARTISIPÁ DEN E DI 100 SELEBRASHON DI DIA INTERNASHONAL DI KOPERATIVA.

Vakantieplan 7 juli 2022 t/m 10 augustus 2022. Total Care Institute gaat de werld rond. Meldt uw kind aan vanaf 1 juni 2022. De enige vakantieplan die gedurende de hele vakantie loopt en de goedkoopste met de beste hoge kwaliteit.
Klik hier oom naar onze FaceBook te gaan: https://www.facebook.com/profile.php?id=100045700818054
MINISTERIO KONSERNÍ DESAROYO EKONÓMIKO

 

KOPERATIVANAN NA KÒRSOU TAMBE TA PARTISIPÁ DEN E DI 100 SELEBRASHON DI DIA INTERNASHONAL DI KOPERATIVA.

PUBLIKÁ RIBA 01 YÜLI 2022

Willemstad- Dia 2 di yüli próksimo, koperativanan rònt mundu ta selebrá Dia Internashonal di Koperativa (#CoopsDay); e aña akí ku e tema “Koperativanan ta Konstruí un Mihó Mundu”. Esaki, ta bai ta e di 100 selebrashon di Dia Internashonal di Koperativa i koperativanan na Kòrsou tambe ta selebrá.

Den e mesun espíritu di e selebrashonnan mundial rònt di e Dia Internashonal di Koperativa, Minister di Desaroyo Ekonómiko, sr. Ruisandro Cijntje, ta hasi un yamada na tur koperativa lokal pa uni ku e koperativanan rònt mundu i mustra ku na Kòrsou tambe, koperativismo ta duna su kontribushon aktivo pa Konstruí un Mihó Mundu, un miho Kòrsou. Nos minister di Desaroyo Ekonómiko tin e enkargo aki na Kòrsou pa sostené desaroyo i maneho di koperativanan di spar i krédito, peska, produkshon, servisio i otro formanan di koperativismo.

Den pasado Kòrsou tabata tin un base sólido den kantidat di koperativanan aktivo, pero ku tempu esaki a bin ta disminuí riba sierto áreanan. Konsiderando e balor asina importante di koperativanan den un komunidat, e tema di e aña akí mester ta un empuhe pa nos koperativanan uni i laga nan bos resoná un biaha mas.

Dia Internashonal di Koperativa (#CoopsDay) ta keda selebrá tur aña riba e promé djasabra di yüli dor di paisnan afiliá na Nashonnan Uní i International Cooperative Alliance (ICA). Ku e tema di e aña akí, “Koperativanan ta Konstruí un Mihó Mundu”, ta e intenshon pa koperativanan rònt mundu para ketu kon nan ta enfrentá e krisis kousá pa e pandemia di COVID-19 ku solidaridat i e kapasidat pa rekuperá, asina ofresiendo komunidatnan un rekuperashon kaminda hende ta sentral i ku ta respetá e medio ambiente. Selebrashon di #CoopsDay ta duna tantu polítikonan lokal, nashonal i mundial, NGO-nan i públiko en general e oportunidat pa siña di e kontribushon ku koperativa ta duna na un futuro ku ta hustu pa tur hende.

Minister di Desaroyo Ekonómiko i MEO ta ekstendé un pabien na tur koperativa lokal riba e di 100 selebrashon di Dia Internashonal di Koperativa.

This site uses Akismet to reduce spam. Learn how your comment data is processed.

%d bloggers like this: