Klínika di Fundashon Real Madrid ta suprayá talento i pashon

WILLEMSTAD: Banco di Caribe su vishon tras di su patrosinionan semper ta pa mira e benefisio di e proyekto pa komunidat i tambe pa nos futuro generashon. E aña aki nos a bolbe mira hopi talento i pashon pa futbòl riba vèlt. Den e klínika aki e muchanan a risibí diferente téknika bou di e filosofia, disiplina i metodologia di e ekípio di futbòl Real Madrid. E téknikanan aki ta importante pa nan propio kresementu i desaroyo komo hende i deportista.

 

E klínika pa e aña aki di Fundashon Real Madrid ta tras di lomba i Banco di Caribe ta sumamente orguyoso di por a ko-patrosiná esaki un biaha mas. Nos ta felisitá tur partisipante pa nan desempeño durante e klínika, prinsipalmente e ganadónan Angelo Lombardo i Qiyazir Lake. Nos ta deseá boso hopi éksito na Madrid.  Ta sigur ku esaki lo ta un eksperensia inolvidabel. Tambe, Banco di Caribe ta felisitá e hungadónan mas balioso e aña aki, Mauro Louisa, Victor Fernandes i Jaydan Rojer.   

 

Boso tur ta puru definishon di un kampion! Hala Madrid! 

 

This site uses Akismet to reduce spam. Learn how your comment data is processed.

%d bloggers like this: