PAR: Petishon Reunion públiko riba e situashon na Kas di Kòrsou.

Situashon di tenshon na kas di Kòrsou

 

Apresiabel señora Presidente,

 

For di 15 di febrüari 2022, frakshon di PAR a hasi e petishon pa un reunion di komishon sentral tokante e situashon di tenshon laboral na Kas di Kòrsou. Den e 118 dianan ku a pasa, for di ku frakshon di PAR a pidi e reunion te ku awor aki,  4 trahadó di kas di Kòrsou a kita for di trabou i vários a bira malu i ta na kas pa e tenshonnan na Kas di Kòrsou. Kas di Kòrsou no tin direktor i tur otro departamento falta personal pa hasi e trabou. 

 

Señora Presidente ta inakseptabel ku trahadónan di pais Kòrsou ta sinti ku nan mester kita for di trabou pa skapa di sentimentu di abusu i ta mas lamentabel ku parlamentarionan ta pidi reunion pa haña klaridat pa e trahadónan i ta dura 118 dia pa e minister responsabel presentá.

 

Mirando e eskalashon di e situashon na Kas di Kòrsou i embergadura di e konsekuensia, frakshon di PAR ta pidi pa ‘trek in’ e reunion di komishon sentral i abase di artíkulo 64 ta pidi pa yama un reunion públiko di parlamento, den kual ta invitá promé minister sr. Pisas ku sentido di urgensia. I alabes ta pidi promé minister sr. Pisas pa laga Ombudsman hasi un investigashon independiente riba e situashon laboral na Kas di Kòrsou. 

 

Frakshon di PAR ta proponé Parlamento tambe,  pa pidi  Kontraloria General  pa hasi un investigashon riba e legalidat i efisiensia di desishonnan ku keda tumá na Kas di Kòrsou riba tereno  finansiero i di personal, durante e periodo di maneho di e minister plenipotensiario aktual. 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: