TIN MAS LUGÁ PA SERTIFKADO A DI KURSO TRANSPORTE PÚBLIKO

MINISTERIO KONSERNÍ TRÁFIKO, TRANSPORTE I PLANIFIKASHON URBANO

 

TIN MAS LUGÁ PA SERTIFKADO A DI KURSO TRANSPORTE PÚBLIKO

PUBLIKÁ RIBA 18 OUGÙSTÙS 2022

Willemstad – Ministerio di Tráfiko, Transporte i Planifikashon Urbano (VVRP) huntu Ofisina di Turismo (CTB) i Inter Continental University of the Caribbean (ICUC) a inisiá kursonan pa personanan ku ta traha den transporte públiko. Kursistanan ku partisipá na un di kursonan aki ta risibí un sertifikado. Meta di e kursonan aki ta pa alsa e servisio na komunidat i turista, i ampliá konosementu di tur kursista. Ainda tin espasio pa personanan ku ta deseá na partisipá pa risibí nan Sertifikado A.

Sertifikado A:

E kurso aki ta pa personanan:

  • entre 25 i 62 aña,
  • ku pa promé biaha ta bai apliká pa transportá persona kontra pago,
  • ku tin nan Diploma ‘Tráfiko Sigur’ di Asosiashon Tráfiko Sigur Kòrsou (ATSK)

E kurso lo kuminsa 5 di sèptèmber 2022 i lo tin un durashon di 12 siman. E gastunan di e kurso ta enserá di naf 650,=

Ta habri inskripshon adishonal entre djabièrne 19 di ougùstùs i djamars 23 di ougùstùs pa 12or di mèrdia.

Link pa inskripshon:

https://my.forms.app/form/62feaa5a76ece330d759c6b5

Mas informashon:

Pa mas informashon por tuma kontakto ku Sekshon di Transporte Públiko na e number 839-2149/ 839-2143 òf via e-mail tp.uovv@gobiernu.cw.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: