Vershon digital di Guia di Deporte.
PRONTO
Vershon digital di Guia di Deporte.
Fundashon Guia di Deporte despues di su último edishon na 1991, a tuma e inisiativa pa bolbe produsí un Guia di Deporte ku ta kontené mas tantu posibel tur informashon – UP TO DATE-. E kontenido ta informashon relashoná ku deporte i moveshon físiko. Entre otro fasilidatnan di moveshon i deporte, kasnan di deporte, sentronan di fitness, skolnan di baile, kuránan di wega, federashonnan i nan klupnan afiliá, fundashonnan di/pa deporte, kanchanan di vòli, basket, fasilidatnan pa turismo pa loke ta rekreashon akúatiko, prensa, emisora I nan periodista deportivo, kasnan di deporte, sentronan di fitness, hotel ku fitness, sportsbar, ets. ets. I tambe BO SUGERENSIA.
Pa motibu práktiko i alabes efisiente e produkshon lo ta digital, mediante un wèpsait GUIA di DEPORTE i MOVESHON. E planifikashon ta ku den di 3 siman di òktober e wèpsait lo ta aksesibel. Tur informashon ta na ingles, asina fasil aksesibel pa esnan den eksterior i turistanan lokal.
Aktualmente nos tin alrededor di 3000 informashon, repartí den diferente rúbrika, ku ta kontené Federashonnan, klupnan afiliá, organisashonnan i fundashonnan deportivo, tereno i salanan di deporte
nòmber, direkshon, persona di kontakto, telnr, email.
Nos petishon.
Pa organisashonnan di deporte I moveshon físiko, por fasilitá nos Fundashon ku info disponibel pa loke ta konserni nan deporte na Kòrsou. E infonan risibí nos lo apresiá si alabes por indiká:
- Nòmber di e fasilidatnan di deporte i rekreashon/moveshon físiko (tereno, bòlpark kancha, fèlt, parke, stadion, éts.
- Menshon ku e tin fasilidat di lus.
- Menshon di e sitio/direkshon.
- Menshon di e Fundashon konserní o e persona enkargá ku su info di kontakto.
- Menshon di kasnan di deporte.
- Ets, ets i tur otro organisashon o establesimentu I fasildat ku tin di aber ku deporte o moveshon fisiko.
Interesá pa duna un aporte tuma kontakto ku nos i o suministrá e infonan rekerí na: Rein.Persaud@hotmail.com.
Atentamente,
Elroy Ersilia – Tesorero, 5287317
Edson Ersilia- Sekretario, 5687860
Rein Persaud -Presidente, 5117051
