E-magazine “Mind your Mind” di JCI Willemstad

 E-magazine “Mind your Mind” di JCI Willemstad

Dia 8 di òktober último JCI Willemstad den kolaborashon ku Curaçao Beauty Pageant Committee a publiká e promé edishon di e “e-magazine:  Mind your Mind, Mental health is your biggest wealth”. E publikashon aki ta relashona ku dia internashonal di salú mental kual ta 10 di òktober. Den e revista digital aki diferente persona i instansia ta kompartí nan historia di bida òf eksperensia rondó di e tema di salú mental.E historia i eksperensianan aki a keda repartí den diferente rubrika manera e parti mental, familiar, karera, empresario, “outdoor” i un bida salú i tambe a duna oportunidat na instanshanan den nos komunidat ku ta duna nan aporte den  guía i kuido.

E komishon enkagá ku e revista a hasi su máksimo esfuerzo pa  por ofresé e lesado un variashon amplio den artikulonan.  JCI Willemstad a risibí super bon koperashon di kada un  persona ku a koperáku e proyekto aki, ku a generá un total di 24 artikulo interesante. Kada artikulo den nos revista ta skibí pa e propio persona i den su  mes palabra.

Meta di e proyekto aki ta pa kibra ku e tabú rondó di salú mental i konsientisa tur hende riba importansia di esaki. Kada persona tin su mes lucha ora ta papia di salú mental.  An respetáotro paso nos niun no sa kiko e otro ta sinta kuné.

Un danki na tur persona ku a forma parti di e proyekto aki. Un danki spesial na FRESKU Magazine ku a publiká nos revista via nan plataforma digital. Nos ke enkurashá komunidat pa bishita nos pagina di Facebook JCI Willemstad kaminda ta haña e link di e revista.

Share this page to Telegram

This site uses Akismet to reduce spam. Learn how your comment data is processed.

%d bloggers like this: