Minister Shalten Hato Uitvoeringsorganisatie Justitiële Zorg (UO JZ)

Minister Shalten Hato

Uitvoeringsorganisatie Justitiële Zorg (UO JZ)

Resientemente konhuntamente ku Minister di BPD sr. Ornelio Martina mi a reuní ku sindikato SAP i sindikato ABVO regardando e inkorporashon di kuater fundashon den e kadena hudisial.
E entidat nobo lo ta konsistí di: Ambulante Justitiële Jeugdzorg Curaçao (AJJC), Gezinsvoogdijinstelling (GVI), Stichting Slachtofferhulp Curaçao (SSHC) i Bureau Voogdijraad. Tur e fundashonnan ariba menshoná ta ehersé nan tareanan den e kadena hudisial konforme lei òf tratadonan. E intenshon ta pa bini ku un asina yamá Uitvoeringsorganisatie Justitiële Zorg (UO JZ) ku lo enkapsulá e tareanan ku previamente tabata kai bou di kuater fundashon distinto. Un tarea adishonal ku UO JZ lo haña ta bai ta pa fungi komo e puntro sentral pa mèldu violensha domestiko. Den kuadro di e Plan Nashonal kontra violensha domestiko i habuzu kontra mucha, Ministerio di Hustisia ta esun enkargá pa sentralisá, instalá i implementá un punto sentral kaminda por denunsiá violensha domestiko i habuzu kontra mucha.
Den e reunion nos a papia entre otro tokante e posishon hurídiko dje trahadónan i e fase final pa formalisá e dokumentonan pa hasi e traspaso realidat.
Ta importante pa añadí ku e trayekto ta den su fase final konforme palabrashonnan hasí den e akuerdo di gobernashon di gabinete Pisas II.
Share this page to Telegram

This site uses Akismet to reduce spam. Learn how your comment data is processed.

%d bloggers like this: