Promé Minister Gilmar Pisas a RISIBÍ

EMBAHADOR DI REINO NA CARACAS

 

Willemstad – Promé Minister sr. Gilmar Pisas a risibí Embahador di Reino na Caracas sr. Robert Schuddeboom dia 1 di dezèmber 2022.

 

Durante di e bishita aki a elaborá tokante e proseso ku ta andando pa ku habrimentu di frontera entre Venezuela i Kòrsou, Visa, situashon ekonómiko aktual di Venezuela, e situashon di migrantenan for di Venezuela, kual tur por ta e oportunidatnan ku tin presente pa por hasi negoshi ku Venezuela den futuro i algun tópiko mas di karakter sensibel.

 

Promé Minister sr. Pisas a gradisí sr. Schuddeboom pa tur informashon ku e la risibí i tambe pa tur esfuerso ku e la bin ta hasi pa e proseso rondo di habrimentu di frontera entre Venezuela i Kòrsou.