Pronóstiko di tempu pa Kòrsou i bisindario bálido te djárason mainta 06:00 o.l., 7 di desèmber 2022.

 

 

Wer: Ku Hopi Solo Temperatura: 25.7ºC Heat index: 27.4ºC Direkshon di Bientu: Nort Velosidat di Bientu: 13 Km/h Preshon: 1011.5 hPa Rain: 0 mm Total Rain (Today): 0 mm Visibility: 30000 m Last updated: 06/12/2022 06:03

Pronóstiko

Pronóstiko di tempu pa Kòrsou i bisindario bálido te djárason mainta 06:00 o.l., 7 di desèmber 2022.
Kompilá: djamars 6 di desèmber 2022, 05:00 o.l. (09:00 UTC).

Tempu: E mainta lo habri un poko fresku un bes mas. Mas lat den dia lo tin momento ku mas nubia i tin chèns pa awa kai riba partinan di Kòrsou.

Temperatura máksimo lo alkansá 30ºC i temperatura mínimo 22ºC.
Solo ta sali 06:43 i ta baha 18:10 o.l.

Bientu: Prinsipalmente for di direkshon nortost i suak te moderá; forsa 1 te 2 (1 te 11 km/ora, 1 te 6 nudo).

Situashon general: Un gradiente di preshon suak, kousá pa un área di preshon abou djis nortost di e region Karibense ta kousa un fluho di airu for di nort relativamente suak ku ta influensiá e wer den nos área. E fluho di airu for di nort ta relativamente mas friu i ta krea un ambiente fresku den nos área ku lo sigui prevalesé durante e siguiente dianan. Adishonalmente áreanan di humedat lo krusa nos region riba sierto momentunan di dia i lo generá formashon di nubia ku por laga algu di awa kai.

Kondishon di laman: Por lo general trankil ku altura di olanan bou di 1 meter (3 pia).

Fenómeno spesial: Un área ekstenso di preshon abou ta lokalisá riba e sekshon sùitwèst di Oséano Atlántiko Nort, awe mainta na un distansia di mas o ménos 1200 kilometer nortost di Laman Karibe. Den un movishon poko-poko nortost, e sistema por kombertí su mes den un siklon suptropikal mas lat den siman. E sistema di wer aki no ta un menasa pa Kòrsou.

Perspektiva te djaweps mainta: Oumento temporal di nubia i awa lo kai lokalmente riba djárason mainta. Despues un tempu seku lo prevalesé.

Meteorólogo: Correa