Valerie van Heydoorn ta rumbo pa Guatemala, pa hasi Kòrsou orguyoso

 

Willemstad – Queen Making Queens Organization huntu ku Valerie van Heydoorn ta klá pa representá Kòrsou riba esenario international.

 

Ougùstùs último Valerie van Heydoorn a gana e título máksimo di e sertámen Miss Teenage Globe Curaçao i a risibí inmediato e título di Miss Teen Grand Curaçao 2022 i lo representá Kòrsou di 7 pa 12 di desèmber próksimo riba esenario international na Guatemala.

 

Durante e siman na Guatemala, Valerie lo mester kumplí ku seshon di fotografia ofisial i tambe diferente aktividat ku tur e kantidatanan di diferente pais. Nos sa sigur ku Valerie lo hala hopi atenshon pa Kòrsou I lo duna tur di su parti pa bini ku e korona pa Kòrsou.

 

E anochi final lo ta 12 desèmber 2022 i por sigui esaki via plataformanan sosial di Miss Teen Grand Universo I tambe QMQ Organization.

 

Na e momentu aki ta tumando luga e último preparashonan pa asina nos representante ta bon prepará pa mustra universo kompleto ku Kòrsou tin hopi talento i sigur den e mundu di beyesa.

 

Hinter e tim di QMQ organization ta hopi orguyoso di nos Valerie van Heydoorn, no unikamente pa su beyesa eksterno pero tambe su beyesa interno i su forma profeshional di komunika i koutiva.

 

QMQ organization bou di guia di Ayanette Statia, ta hasiendo un trabou ekselente. Organisando e promé sertamen na un nivel hopi haltu e aña aki, e organisashon a sa di kumpli inmediatamente ku tur partisipante I mayor dor di realisa e soño di e ganador I su finalistanan pa representá Kòrsou riba esenario International.

 

Pueblo di Kòrsou ta keda kordialmente invitá pa sigui tur paso di nos Valerie van Heydoorn via su página di Facebook i instagram. Tambe pa like, comment i share pa asina sostene Valerie.