KOMUNIKADO DI PRENSA 006/2023.
6 yanüari 2023.

Kaso di atrako ku herido.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaweps 5 di yanüari 2023, alrededor di 22.33’or di anochi, Sentral di Polis a risibí
notifikashon di un kaso di atrako ku a tuma lugá na un establesimentu riba
F.D. Rooseveltweg.
E unidat polisial ku a yega na e sitio a topa ku dos hòmber ku herida di bala na parti abou di
nan kurpa.
For di investigashon preliminar ku polis a hasi a resultá ku dos hòmber ku arma di kandela i
ku kara parsialmene tapa a presentá na e sitio i a atraká un kliente ku tabata sinta na e
establesimentu.
Despues di un forsageo un di e sospechoso a los tiru ku a alkansá e hòmber víktima.
Durante di e losmentu di tiru un di dos hòmber a sufri herida di bala.
Ambulans a presentá na e sitio a transportá ambos víktima pa departamentu di emergensia
di CMC pa tratamentu médiko mas avansá.
Despues di e akto e sospechosonan a logra bai ku plaka kèsh for di un di tres víktima ku
tabata na e sitio.
Durante di un investigashon den e área polis a haña i konfiská algun artíkulo ku ta di
importansia pa e investigashon.
Tim di Atrako ta kontinuá ku e investigashon den e kaso aki.
Polis ta hasi un súplika na tur persona ku por duna kualke informashon tokante di e atrako
aki pa tuma kontakto ku polis na number di telefòn 917 òf e number anónimo 108.