Dos detenshon relashoná ku di atrako.

KOMUNIKADO DI PRENSA 028/2023.
24 yanüari 2023.

Dos detenshon relashoná ku di atrako.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djamars 24 di yanüari 2023, alrededor di 11.26’or di mainta, Sentral di Polis a risibí
notifikashon di un kaso di atrako ku ta tumando lugá na un establesimentu riba
Jan Noorduynweg.
E unidat polisial ku a yega na e sitio no topa ku e sospechosonan.
For di investigashon preliminar ku polis a hasi na e sitio a resultá ku algun hòmber
sospechoso ku arma di kandela a presentá na e sitio i a kometé e atrako.
Despues di un buskedá den e área di kaya Basralokus tim di Aresto a logra detené dos
sospechoso.
Ta trata e hòmbernan:
 V.V.R., di 18 aña di edat.
 S.D.O., di 17 aña di edat ámbos nasé na Kòrsou.
Mas lat tim di Atrako a tene dos entrada hudisial i a haña i konfiská algun artíkulo ku ta di
importansia pa e investigashon.
A presentá ámbos sospechoso dilanti un fiskal ouksiliar ku despues di interogashon a
ordená nan enkarselamentu pendiente di mas investigashon.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: