Pronóstiko di tempu pa Kòrsou i bisindario bálido te djasabra mainta 6:00 o.l., 18 di febrüari 2023.

Pronóstiko

Pronóstiko di tempu pa Kòrsou i bisindario bálido te djasabra mainta 6:00 o.l., 18 di febrüari 2023.
Kompilá: djabièrnè 17 di febrüari 2023, 05:00 o.l. (09:00 UTC).

Tempu: Parsialmente nublá i tantu awe den dia komo anochi ku chèns pa áwaseru leve i pasahero.

Temperatura máksimo lo alkansá 29ºC i temperatura mínimo 25ºC.
Solo ta sali 06:57 i ta baha 18:43 o.l.

Bientu: Generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Den dia, ráfaga de bes en kuando fuerte; forsa 6 (40 te 50 km/ora, 22 te 27 nudo). Ménos fuerte durante awe nochi i mayan.

Situashon general: Ekstenshon di un preshon haltu riba Atlántiko parti wèst ta kontinuá komo e sistema di tempu dominante pa e region oriental di Karibe. Adishonalmente, tin indikashon ku e ambiente atmosfériko a bira relativamente seku i un poko mas stabil den e region. No opstante esaki, nubianan na e nivel abou den un fluho di pariba por laga un tiki awa kai riba i rondó di nos isla. Mas ainda, ta parse ku e forsa di bientu lo mengua un poko durante e fin di siman.

Kondishon di laman: Moderá ku altura di olanan entre 1 i 2 meter (3 i 6 pia). E olanan mas haltu ta kontinuá riba laman na nort i ost di Kòrsou.

Fenómeno spesial: Ningun.

Perspektiva te djadumingu mainta: Shelu ta bira parsialmente te hopi nublá ku bon chèns pa awa kai e siguiente dianan.

Meteorólogo: Coffie