OW TA SELEBRÁ 130 AÑA DI EKSISTENSIA

Willemstad – Riba 16 di mart 1893, e organisashon DOW a keda ofisialmente fundá. Pues awe 16 di mart 2023, Servisio pa Obra Públiko (OW) ta kumpli 130 aña di eksistensia.

Ora nos wak bèk, nos ta mira kuantu kaminda nobo a keda kreá pa hasi Kòrsou, di punta pa punta, mas aksesibel. Ora nos wak den futuro, nos ta mira diferente inovashon manera entre otro lusnan di tráfiko LED.

Aktualmente, Minister Charles Cooper huntu ku OW ta trahando duru pa mehorá nos infrastruktura. Ta asfaltando diferente kaminda, yenando burakunan, manteniendo nos Juliana brùg, atendé ku riolering, i hopi hopi mas.

Minister Charles Cooper ta felisitá empleadonan di OW awe ku selebrashon di 130 aña OW.

Nos ta ban sigui traha huntu na adelanto di infrastruktura di e pais aki.