Evitá aksidente lamentabel durante Siman Santu.

Despues di grel tira karbon den barínan destiná pa esaki

Willemstad – Den kuadro di Operashon Siman Santu Ministerio di GMN ta enfatisá na tur ku ta bai hasi uso di nos playanan públiko ku no ta permití pa grel riba playa. Na diferente playa manera Kenepa Grandi i Daaibooi tin áreanan designá pa grel i tambe tin grelnan trahá pa públiko. Bou di ningun sirkunstansia ta permití pa pone blòki riba playa i sende karbon.

Departamentu di AVB di Ministerio di GMN a pone barínan di heru spesial pa tira karbon sendé aden na e playanan públiko kual tambe nan ta rekohé regularmente. Por grel den áreanan designá pa evitá ku ta forma molèster di huma pa otro usuarionan. Un petishon ta bai na pueblo en general pa yuda tene nos playanan limpi di karbon i pa asina evitá aksidentenan lamentabel.

Riba potrèt un di e barínan spesial pa tira karbon aden.

Riba potrèt situashon di grel riba blòki ku no ta permití.