PREPARASHONNAN TA KONTINUÁ PA NOS SELEKSHON FEMENINO U-20 SU PARTISIPASHON NA E CONCACAF UNDER 20 CHAMPIONSHIP!

 

NOS HUNGADÓNAN TA KONOSÍ!

 

 

Preparashonnan ta kontinuá pa nos selekshon nashonal femenino kategoria U-20 su partisipashon na e partidonan di kualifikashon pa e 2023 CONCACAF Women’s Under-20 Championship.

E kampionato aki lo tuma lugá di 14 pa 22 di aprel 2023 i ta konta ku partisipashon di 16 pais di kual pul B i pul D ta hunga aki na Kòrsou.

 

Nos selekshon ta forma parti di pul B i lo enfrentá Panama, Bahamas, Haiti i St. Maarten.

Nos promé partido lo tuma lugá dia 14 di aprel kontra Panama, pa seguidamente nos topa Bahamas dia 18, Haiti dia 20 i por último St. Maarten dia 22 di aprel den Stadion Rignaal ‘Jean’ Francisca pa 6’or di atardi. Entrada pa e partidonan aki ta kosta fl.5,- pa tur hende i por kumpra karchi for di 2’or di mèrdia na e lokètnan di stadion riba dia di wega.

 

Nos selekshon ya tin algun luna ta praktiká i preparando pa saka kara di Kòrsou. Un grupo di 21 hungadó ta forma parti di nos selekshon nashonal femenino kategoria U-20. E hungadónan aki ta hungadónan áktivo den nos Kampionato Femenino pero tambe tin algun hungadó residensiá den eksterior ku a bin pa reforsá nos selekshon.

 

Nos selekshon ta wòrdu dirigí pa sr. Raúl González Triana ku ta wòrdu asistí pa sr. Heinrich Roojer i sr. Pablo Mark Alomá komo entrenadó di portero. Sra. Laicam Coeriel-How ta e masahista miéntras dòkter Eartha Helstone tambe ta kompañá e selekshon. E ‘team manager’ di nos selekshon ta sra. Christine Davelaar i e hefe di delegashon ta sr. Remfis Donker, miembro di direktiva di FFK.

 

E siguiente hungadónan ta forma parti di nos selekshon;

 

1. Julainy Fanijten Thielman (Excellence School)
2. Rianda Pimienta Solano (Subt)
3. Charnainelys Andrea (Excellence School)
4. Judriën Torbed (Jong Colombia)
5. Kaaïsha Constansia (Excellence School)
6. Deyanisha Dorcas (Hubentut Fortuna)
7. Kimberly Olaria (Excellence School)
8. Queennaily Geertruida (Jong Colombia)
9. Caelyn Hodge (Excellence School)
10. Lisa Pasman (Excellence School)
11. Emily Pulido Baloa (Excellence School)
12. Rushaviana Petronilia (Jong Colombia)
13. Gervionna Martina (Jong Colombia)
14. Soerianieh Nucatia (Excellence School)
15. Queen-Jelly Alexandre (Excellence School)
16. Raëngelly Keller (Excellence School)
17. Aukje Moerdijk (Inter Willemstad)
18. Ludmarie Flaneur (Xerxes DZB)
19. Jeleaugh Rosa (Sparta Rotterdam)
20. Shermilyene Leito (Sv Seastum)
21. Nabiellene Nisia (VV Spirit)

Preparashonnan ta kontinuá pa nos selekshon nashonal femenino senior su partisipashon na e 2022 CONCACAF Women’s Championship ku lo tuma lugá di 14 pa 22 di aprel aki na Kòrsou!

5 aprel 2023