18 di aprel próksimo FUNDASHON PRO SOUAX ta organisá: Charla grátis   “DERECHI i OBLIGASHON di e HÜRDÓ i e DOÑO di KAS”    

18 di aprel próksimo
FUNDASHON PRO SOUAX ta organisá: Charla grátis
“DERECHI i OBLIGASHON di e HÜRDÓ i e DOÑO di KAS”                                                 

Fundashon Pro Souax i Sentro di bario Souax gustosamente ta invitá habitantenan di bario di Souax, Gato i bisindario i tambe otro interesadonan, na kontinuashon di e “Siklo di Charla riba Tópiko Hurídiko”. Tópiko pa e luna aki lo ta: “DERECHI i OBLIGASHON di e HÜRDÓ i e DOÑO di un KAS / APARTAMENTU”.
E charla ta tuma lugá djamars 18 di aprel próksimo i e oradó lo ta èks-presidente di Huurcommissie mr Herbert Coffie.

Entre otro mr Coffie lo splika:
– Kiko ta huurcommissie ?
– Ken por aserká huurcommissie: E hürdó ? Esun ku ta pone su kas na hür ? Of tur dos ?
– Den kua kaso por aserká huurcommissie ?
– Akuerdo di hür: mantenshon di kas i te na ki preis bo por hür bo kas ?
Sea bo ta hürdó di un kas òf bo ta doño di un kas i a òf ke pone esaki na hür.
Ta bon pa bo ta na altura di bo derechinan i obligashonnan ora bo ta hür un kas òf ora bo pone un kas na hür.

Durante e charla ku lo ta di 7or pa mitar di 9 anochi na Sentro di bario Souax oradó mr Herbert Coffie lo splika kua ta e puntonan pa tene kuenta kuné komo hürdó òf doño di kas. Entrada ta grátis i lo tin amplio oportunidat pa hasi pregunta.