NOS SELEKSHON SU SEGUNDO ENKUENTRO DI E CONCACAF UNDER 20 CHAMPIONSHIP LO TUMA LUGÁ 18 DI APREL KONTRA BAHAMAS!

Preparashonnan ta kontinuá pa nos selekshon nashonal femenino U-20 su próksimo partido di e CONCACAF Women’s Under-20 Championship. Durante nos segundo enkuentro nos lo enfrentá Bahamas, djamars 18 di aprel pa 6’or di atardi den Stadion Rignaal ‘Jean’ Francisca.

Despues di a kai vensí kontra Panama den nos promé partido, nos selekshon a sigui prepará pa bin aun mas fuerte durante nos 2 próksimo enkuentronan.

Haiti ku tambe tabata un di e paisnan den pul B, a kai afó i awor nos pul ta konsistí di 4 pais.

P’esei a hasi adaptashon na skema i el a bira lo siguiente;

 

Skema adaptá di pul B;

 

	Fecha	Orario	Tim di kas	Bishitante	Stadion
1	14-4-2023	6:00 PM	Panama	Kòrsou	Rignaal ‘Jean’ Francisca
2	16-4-2023	3:00 PM	Bahamas	Panama
3	18-4-2023	3:00 PM	Panama	St. Maarten
4		6:00 PM	Bahamas	Kòrsou
5	20-4-2023	3:00 PM	St. Maarten	Bahamas
6	22-4-2023	6:00 PM	Kòrsou	St. Maarten

 

Aki ta sigui un kompilashon di e resultadonan di tur partido ku a tuma lugá di pul B i D.

Pul B;

	Fecha	Tim di kas	Bishitante	Resultado
1	14-4-2023	Haiti	Bahamas	Kanselá
2		Panama	Kòrsou	5-1
3	16-4-2023	Bahamas	Panama	0-13
4		St. Maarten	Haiti	Kanselá

 

Pul D;

	Fecha	Tim di kas	Bishitante	Resultado
1	15-4-2023	Trinidad & Tobago	Cayman Islands	3-0
2		Puerto Rico	Guadeloupe	5-0

 

Entrada pa tur e partidonan di pul B i pul D ta kosta fl. 5,- pa tur hende i ta disponibel 1 ora promé ku wega na e lokètnan di Stadion Rignaal ‘Jean’ Francisca riba dia di wega.

Preparashonnan ta kontinuá pa nos selekshon nashonal femenino U-20 su segundo partido di e 2023 CONCACAF Women’s Under-20 Championship ku ta tuma 18 di aprel 2023!

 

Nos damanan ta warda bo!

 

16 aprel 2023