Chinouq Cathlin ta resultá Miss Teenage Globe Press 2023

 

 

Willemstad- djasabra 22 aprel 2023 den sala di PWFC multifunctional center a tuma lugá elekshon di Miss Teenage Globe Press 2023.

E 7 partisipantenan den kompetensia di e sertámen hubenil di Momentu, Miss Teenage Globe Curaçao 2023 a partisipá den nan promé kompetensia ofisial kua ta Miss Teenage Globe Press 2023.

Durante e anochi aki nan tabatin 4 presentashon ofisial. Nan a hiba un entrevista privá ku miembronan di hurado formá pa miembronan di prensa di Kòrsou.

Riba esenario nan a presentá nan mes pa despues kombersá ku e maestronan di seremonia pa despues hiba nan mensahe dediká na prensa di Kòrsou.

QMQ Organization por wak bèk riba un anochi eksitoso kaminda Dany Balentien i Valerie van Heydoorn, Miss Teenage Globe Curaçao 2023 a dirigí e anochi eksitosamente i a demostrá nan talento komo maestro di seremonia.

Explotion Dancers a entretené e sala yena di PWFC.

Srta. Chinouq Cathlin ta resultá ganador di e título Miss Teenage Globe Press 2023. Srta. Thailis Matos Inecia ta keda komo promé finalista i srta. Amanda Verkerk Ta resultá e di dos finalista.

QMQ Organization ta gradesí i yama danki na kada un di su spònsornan i tur su kolaboradornan pa hasi e sertámen posibel. Danki na prensa di Kòrsou pa tur e sosten durante e anochi dediká na prensa