PRESIDENTE PARLATINO: “HASÍ PARLAMENTO SU RÒL DI KONTROLÁ, PRIORIDAT PRINSIPAL. EVALUA I REFORSA DEBILIDATNAN”.

Dia m’a bisa ku tin ko’i drecha den Parlamento, 2 pipita di trahadó i parlamentario a reklama.

 

PRESIDENTE PARLATINO: “HASÍ PARLAMENTO SU RÒL DI KONTROLÁ, PRIORIDAT PRINSIPAL. EVALUA I REFORSA DEBILIDATNAN”.

 

No duna TPK rason, bai splika parlatino i Karibe tambe ku nan no tin rason.

 

Resientemente Lider polítiko di Trabou pa Kòrsou TPK,

e Gobernántenan Organiko, Sr. Rennox Calmes, a kaba di asistí na reunion di parlatino na Panama.

Einan ela asistí na reunion di importansia di e komishon di

“agricultura, ganaderia i pesca” kaminda a atende tokante un lei marco di ekonomia blou ku ta den proseso. Mésun importante ta ku tábatin un reunion mas ku ela asistí kaminda “Kontrolaria General” di tur e paísnan di latino Amerika i Karibe a partisipa huntu ku tur parlamentario nan di e paísnan aki.

Den e reunion aki un di e topikonan tabata ”El parlamento y la fiscalización”.

Presidente di parlatino a amplia riba e tópiko aki mustrando ku parlamento nan mester tin e rekurso nan humano i finansiero pa por hasi nan trabòu di kontrolá. Durante di e presentashon, e presidente di parlatino ta para ketu na e siguiente puntonan:

1. E importansha di Parlamento pa por supervisa/ kontrolá
2. Konsekuensia di un supervishon/ kòntròl efektivo
3. Kiko lo pasa si no tin supervishon/ kontròl di parlamento
4. Supervishon i dunamentu di kuenta  i rason na parlamento
5. Desafionan ora un parlamento su kosnan no ta na òrdu
6. Rekursonan humano i finansia pa parlamento kumpli ku su tarea di kontrol

 

Na final di e presentashon e presidente ta mustra riba 28 punto di rekomendashon pa “kambio institushonal den direkshon di un mayo i miho supervishon”. E 28 rekomendashon nan aki a wòrdu parti den 6 suptopiko:

1. Hasi supervishon e prioridat prinsipal di parlamento
2. Sigurá/ reforsá Mandato i kapasidat pa realisá supervishon
3. Ko-produsi supervishon huntu ku otro asosiadonan
4. Hasi bon uso di fakultatnan di supervishon di parlamento
5. Genera apoyo di publiko na supervishon
6. Probecha di oportunidat pa krea un ambiente ku ta stimula supervishon

 

Sr. Calmes a manda un karta pa presidente di parlamento di Kòrsou ku tur e informashon nan aki aden. Huntu ku tur esakinan Trabou pa Kòrsou TPK ta bolbe pon’é énfasis riba un kamber di prosupuesto ku mester tin e ròl pa por sostené i informa parlamento kon e fondonan di país Kòrsou ta wòrdu usa i si nan ta wòrdu usa pa e metanan ku parlamento a aprobá prosupuesto. Nos mester siña piska dilanti djé net. Paso ora rapòrt nan di kontrolaria general yega parlamento ya ta algun aña lat kaba. Ku otro palabra, nos ta piskando patras di e nèt.