Dos persona ta fayese den kas ku a pega na kandela

 

Notisia di ultimo ora: Den area di Mari Pampoen tabata tin un kaso kaminda dos kas a pega kandela, den e prome kas tabata tin dos persona ku a logra sali pero den e di dos kas tabata tin dos persona ku a fayese.
Polis ta hasiendo investigando e kaso aki kaminda kandela a kue dos kas i den un di e kas nan aki lamentablemente tabata tin dos persona ku hèndikèp fisiko bibando i ku no por a sali for di e kas na tempu konsekuentemente ku nan a bin fayese pa motibu di kandela. E kandela a tuma luga na Nijmegenstraat.

 

inbox:

Kaso tristu i hopi lamentabel a tuma luga awe marduga den Nijmegenstraat na Steenrijk. Tabata alrededor di 25 minüt pa 2 di marduga ku sentral di polis a risibi informashon di un kas na kandela na Nijmegenstraat. Mesora unidat polisial i tambe Brantwer Steenrijk a yega rapidamente na e sitio i a haña un kas kompletamente na kandela miéntras ku ya esaki a pasa over i sende un di dos kas.

Brantwer Steenrijk a pidi asistensia di Brantwer Mundu Nobo i tambe Rio Canario pa yuda kombatí i para e kandela aki i evitá ku e por sigi ekspandé i yega na mas kas.

Lamentablemente den e kas kompletamente na kandela tabata tin 2 habitante desabilitá ta biba (ambos den ròlstul) ku no a logra skapa for di e kas na tempu i a muri den e kas a konsekuensia di e kandela feros. Dòkter di polis, dr. Maduro a konstata morto di ambos viktima na e sitio.

Palabra nan di kondolensia i hopi forsa ta bai na famia nan di ambos defuntu. E kaso aki sigur a shòk habitantenan den e area di Steenrijk pa tuma nota ku tantu Mama i Yu ta fayesé a kousa di kandela den nan kas.