KANTANTENAN DI “FESTIVAL UN KANTO PA KORSOU 2023” TA KLA PA TRESE NAN PIESANAN NOBO PA PUEBLO

Buska bo karchi pa bo no keda afó:

 

KANTANTENAN DI “FESTIVAL UN KANTO PA KORSOU 2023”

TA KLA PA TRESE NAN PIESANAN NOBO PA PUEBLO

 

WILLEMSTAD – E 6 agrupashonnan musikal ta konosí. E 11 kantantenan ta konosí i tur kos ta kla pa djabièrnè awor dia 16 di yüni, Kòrsou haña su di 14 edishon di Un Kanto pa Kòrsou. Ta trata aki  di 11 kansion nobo nobo komponé pa nos kompositornan lokal ku ta bai brinda Kòrsou lo máksimo.

 

E ritmonan lo varia di wals, plena, tumba pa  son montuno, dansa i seú. Pues un gama variá di nos ritmonan lokal ku sigur lo akapará kurason di tur hende ku ta sigui e evento aki.

 

Manera ta konosí, na 2008, Gobièrnu di Kòrsou a kuminsá ku e proyekto Un Kanto pa Kòrsou ku tin komo e meta pa tur aña di nobo krea kansionnan na papiamentu ku lo mester sirbi pa enrikesé e banko di kolekshon di músika na papiamentu.

 

For di e promé ganador Jules Andrew d.f.m. ku e kansion “Orguyoso di ta yu’i Kòrsou” nos a haña tur aña ku a sigui un gran kantidat di kansion ku tabata kanta grandesa di  nos pais den tur aspekto i sentido di palabra.

 

E aña aki e konsepto lo ta un poko diferente na e añanan anterior. Si den pasado tabata tin 1 orkesta ku tabata kompañá tur kantante, e biaha aki lo tin 5 agrupashon musikal.  4 lo kompañá 2 kansion, miéntras ku 1 lo tin 3 partisipante.

 

Loke ta bai hasi e anochi aki interesante ta ku kada un dje 5 agrupashonnan musikal aki tin 20 minüt di presentashon, di kual e promé parti nan por duna un show di nan mihó piesanan. Ora ku e parti ei kaba, nan lo bai pa e kompetensia.

 

Lo tin un kuerpo di hurado kalifiká ku lo  husga e 11 piesanan aki. Ta bon pa indiká e banda di adulto, lo tin kompetensia di e kantantenan mas hóben.

 

E evento lo tuma lugá djabièrnè awor den Curaçao Festival Center, kaminda a krea un área espesial. Entrada lo ta apénas 25 florin optenibel na 24 Uur uit de Muur, Curaçao Festival Center, serka e partisipantenan, Meisje Meisje, Robert Sapatu i Mayra Kabuya grandi.

 

Ban apoyá Festival Un Kanto pa Kòrsou, pasombra ta algu di nos!

Atentamente

Athunto e lista di partisipantenan