KOMUNIKADO DI PRENSA 287/2023.
18 yüni 2023.

Hòmber morto den laman.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 18 di yüni 2023 alrededor di 14.20’or, Sentral di polis a dirigí un unidat pa Playa
Canoa, na unda un siudadano a nota un kurpa ta drif den laman i di kua su mannan i pianan
tabata mará.
Na yegada di e unidat, el a topa un kurpa di kua su mannan i pianan bèrdat tabata mará ku
kabuya i ku ya tabata duna tur indikashon ku no tabatin señal di bida, ya ku e tabata drif
riba su barika. Tabata trata di un hende hòmber.
A pidi presensia di tantu brantwer komo personal di Wardakosta, ya ku e kurpa tabata pegá
na e barankanan na kosta.
Ku kabuya personal di brantwer a logra saka e kurpa for di den awa i tres’é tera pa asina por
a hasi investigashon.
Dòkter di polis a konstatá morto i riba òrdu di fiskal di Ministerio Públiko a konfiská e kurpa.
Identidat di e víktima ainda no ta konosí i no ta ekskluí ku por ta trata aki di un kaso di
asesinato.