Promé Minister Gilmar Pisas a reuní ku gerensianan di RdK, Curoil, KtK, Sindikatonan UGTK “CADMU” i PWFC.
Promé Minister Gilmar Pisas a reuní ku gerensianan di RdK, Curoil, KtK, Sindikatonan UGTK “CADMU” i PWFC.
Willemstad – Promé Minister sr. Gilmar Pisas a reuní ku gerensianan di RdK, Curoil, KTK, Sindikatonan UGKK “CADMU” i PWFC dia 20 di yüni 2023.
E reunion a keda pidí debí na e posishon ku Promé Minister sr. Pisas tin komo esun ku ta enkargá ku RdK.
Durante di e reunion aki a trata e funshonamentu aktual di Bullenbaai i e efekto grandi ku esaki por tin riba e situashon di KtK.
Tambe a papia riba e relashon di trabou entre RdK i Curoil kaminda e empresanan di Gobièrnu aki tin un akuerdo kaminda ku Curoil por sostené RdK den buskeda di kliente riba merkado internashonal.
E enkuentro aki a tuma lugá den un ambiente hopi trankil kaminda tur esnan ku tabata presente por a trese nan punto di bista i sugerensianan dilanti, pa huntu por yega na e mihó solushon mas pronto ku ta posibel.
