Pronóstiko di tempu pa Kòrsou i bisindario bálido te djasabra mainta 06:00 o.l., 24 di yüni 2023.
E boletin di 5’or di djaweps atardi 22 juni 2023 ta indiká ku Bret ta situá riba Barbados i lo drenta área di Karibe awe ‘nochi. Ta pronostiká ku Bret lo pasa nort di nos área durante di djabièrnè anochi i djasabra mainta. Efektonan di resake manera ya indiká lo kuminsá gradualmente mañan mardugá i kontinuá durante fin di siman. Un mesahe di prekoushon (kódigo hel) pa laman lo drenta na vigor mañan mardugá. Mayoria áwaseru asosiá ku Bret lo konsentrá nort di islanan ABC durante di djabièrnè anochi i djasabra, sinembargo algun área di áwaseru ku posibel welek i bos por desaroyá riba sierto partinan di nos isla. Si ta nesesario Servisio Meteorológiko lo saka un boletin speshal pa mal tempu. Servisio Meteorológiko ta siguí monitoriá e situashon di aserka.
Pronóstiko
Pronóstiko di tempu pa Kòrsou i bisindario bálido te djasabra mainta 06:00 o.l., 24 di yüni 2023.
Kompilá: djabièrnè 23 di yüni 2023, 05:00 o.l. (09:00 UTC).
KÓDIGO HEL: PREKOUSHON PA LAMAN BRUTU BALIDO MEI ANOCHI PA DJASABRA MAINTA PA ÁREANAN DI KOSTA NORT I OST DI KÒRSOU
Tempu: Parsialmente te de bes en kuando hopi nublá ku algun áwaseru lokal.
Temperatura máksimo lo alkansá 32ºC i temperatura mínimo 26ºC.
Solo ta sali 06:13 i ta baha 19:03 o.l.
Bientu: For di ost i lo bira nortost den transkurso di dia i moderá te basta fuerte; forsa 3 te 5 (12 te 39 km/ora, 7 te 21 nudo). Ráfaga, de bes en kuando posiblemente fuerte; forsa 6 (40 te 50 km/ora, 22 te 27 nudo).
Situashon general: Segun ku siklon tropikal Bret ta sigui move den un direkshon wèst i drenta área di Karibe, kondishon atmosfériko lo bira gradualmente mas faborabel pa desaroyo di nubianan signifikante riba nos region. Algun di e nubianan aki lo generá momentunan di áwaseru ku posibel welek i bos riba partinan di nos isla, prinsipalmente durante awe mainta. Mas aleu, debí na e siklon tropikal ku ta aserka ta antisipá resake na kostanan nan nort i ost di nos isla i pa e motibu aki un kódigo hel pa laman brutu ta na vigor entrante mei anochi.
Kondishon di laman: Por lo general moderá ku altura di olanan entre 1 i 2 meter (3 i 7 pia). Ta antisipá laman mas brutu na kosta Nort i Ost di Kòrsou pa motibu di resake. Pa e motibu aki kódigo hel ta na vigor.
Sistemanan signifikante di wer tropikal: Tormenta tropikal Bret ta sigui move wèst i drenta área di Karibe durante di próksimo 24 ora. Tormenta tropikal Bret lo pasa ku mayoria wer Nort di Kòrsou durante di djabièrnè anochi pa djasabra mainta. Kòrsou na e momentu aki ta keda pafó di e kono di Bret su trayektoria Departamento Meteorológiko Kòrsou lo sigui monitoreá desaroyo di tormenta tropikal Bret di aserka i lo drenta den un fase di informashon (kódigo hel) si esaki ta nesesario.
Mas aleu, depreshon number kuater ta move den un direkshon wèst nortwèst i ta pronostiká te na e momentu nan aki, ku e sistema tropikal aki lo keda pafó di e área Karibense.
Fenómeno spesial: Ningun
Perspektiva te djadumingu mainta: Parsialmente te hopi nublá ku algun áwaseru lokal.
Meteorólogo: Abraham..