Detenshon relashoná ku intento di ladronisia di outo.

KOMUNIKADO DI PRENSA 300/2023.
26 yüni 2023.

Detenshon relashoná ku intento di ladronisia di outo.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku un kaso di intento di ladronisia di outo ku a tuma lugá dia 24 yüni 2023, e tim
ku ta investigá ladronisia di outo a realisá un detenshon.
Kontinuando ku e investigashon, djaluna 26 yüni 2023 alrededor di 09.25’or, e tim en
kestion a hasi detenshon di e hòmber sospechoso I.L.M di 18 aña, nase na Kòrsou,
relashoná ku e kaso ariba menshoná.
Detenshon di e sospechoso aki a tuma lugá na warda di reshèrshi na Kaya Hose Liberia.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.