TRABOUNAN DI MANTENSHON NA ÁLTURA DI ABATTOIRWEG I PLETTERIJWEG
MINISTERIO KONSERNÍ TRÁFIKO, TRANSPORTE I PLANIFIKASHON URBANO
TRABOUNAN DI MANTENSHON NA ÁLTURA DI ABATTOIRWEG I PLETTERIJWEG
PUBLIKÁ RIBA 30 YÜNI 2023
Willemstad – Servisio pa Obra Públiko (OW) ta informá ku riba djasabra 1 di yüli lo ehekutá trabounan di mantenshon na e krusada Abattoirweg i Pletterijweg. Esaki pues spesifikamente entre e edifisio di Selikor i Dierenkliniek, i UO Veterinaire Zaken den área di Parera.
Debí na mal estado di e kaminda, OW lo laga raspa e kaminda pa kita e kapa di asfalt bieu, i pone un kapa nobo. E trabounan aki lo tin un durashon di 1 dia. Kontratista CWM ta enkargá i e orario di trabou lo ta di 7or mainta pa 4or di atardi.
E krusada Abattoirweg i Pletterijweg lo wòrdu será pa tráfiko. Lo tin bòrchi i barinan pa guia e outomobilistanan via rutanan alternativo.
Ta hasi un apelashon na tur outomobilista pa kore ku koutela i ta pidi diskulpa pa e molèster ku esaki por trese kuné.
