Minister Charles Cooper ku Fundashon di bario Sta Helena a organisá un dia di deporte na e tereno parti patras di “Jeugdhuis de Oleander” Fundashon a duna un rekonosimentu postumo na ex beheerder di e “Jeugdhuis” aki Sr Ramon Hubert Stomp

Minister Charles Cooper tabata presente djadumingu 9 yuli 2023 den bario di Sta Helena kaminda ku Fundashon di bario Sta Helena a organisá un dia di deporte na e tereno parti patras di “Jeugdhuis de Oleander”.

Riba e dia aki tambe e Fundashon a duna un rekonosimentu postumo na ex beheerder di e “Jeugdhuis” aki Sr Ramon Hubert Stomp pa su trabounan boluntario na fabor di e hubentut di e tempu ei di Sta Helena i besindario.

Meta di e dia tabata tambe pa por saka lider nobo ku kier duna un man pa alsá deporte mas den bario.

Minister Charles Cooper, pa su sostén inkansabel na entre otro e dushi bario aki, a risibi di e Fundashon di bario aki e previlegio i honor di tira e prome bala , ku Minister Hato komo “cather”, i hasi asina e apertura ofisial di e dia deportivo aki.

Tabata un mainta súmamente agradabel huntu ku habitante i deportistanan di e dushi bario di Sta Helena.

Minister Charles Cooper a deseá e Fundashon i tambe e habitantenan tur klase di éksito ku e dia i ta pará habrí pa sigui yuda kaminda por.