BADEN POWELL TOASTMASTERS CLUB TA BAI PA EKSELENSIÁ DEN 2023-2024

Instalashon Direktiva

BADEN POWELL TOASTMASTERS CLUB TA BAI PA EKSELENSIÁ DEN 2023-2024

WILLEMSTAD – Baden Powell Toastmasters Club a instalá su direktiva nobo ku ta bai pa ekselensia den aña 2023-2024, den un esfera vibrante i ameno djasabra último na Sport Park Marie Pampoen.

Distinguished Toastmaster Grace Goede-Martina a instala e direktiva nobo den un korá vibrante simbolisando e vibrashon positivo i briante ku lo radia den aña 2023-2024 pa nos klup.

 

E direktiva di Baden Powell Toastmasters Club di aña 2023 – 2024 ta konsistí di:

 

• President – TM Regis Mercera
• Vice President Education – TM Laurella Martis
• Vice President Membership – TM Omara Martina
• Vice President Public Relations – TM Sinaï Mathilda
• Secretary – TM Lorna Fraai-Browne
• Treasurer -TM Rudsel Albertoe
• Sergeant at Arms – TM Rochandi Illidge
• Immediate Past President – TM Laurella Martis

 

Toastmasters ta un organisashon “no lukrativo” ku ta trein su miembronan pa por dirigí palabra den públiko, siña liderasgo i hopi otro abilidat manera skucha mihó i duna fitbèk na un manera positivo ku ta hopi útil pa un persona den su trabou i òf organisashonnan ku e ta den. Ku e tema di ban ekselensia Baden Powell Toastmasters Club ta sigui empoderá su miembronan i tambe futuro miembronan pa kada tarea, funshon, proyekto ku bo hasi, bo hasi esaki na un manera ekselente ku guia i sosten di henter e klup.

 

Den aña 2022 – 2023, direktiva i miembronan a traha duru pa di tres aña konsekutivo logra e distinshon mas haltu ku un klup di Toastmasters International por optené ku ta “President Distinguished Club”, ku ta un rekonosimentu otorgá na un klup di Toastmasters ora e kumpli ku 9 òf 10 di 10 metanan preskribí pa Toastmaster International.

 

Bo tin miedu di papia públiko? Bo ke siña dirigi un reunion efektivo i na tempu? Bo ta dudando den bo abilidat pa komuniká? Tuma kontakto ku nos Vise Presidente Edukashon Sra. Laurella Martis na telefòn 513 7250 i nos lo splika bo kon nos por yuda bo yega na ekselensia. Baden Powell Toastmasters Club ta kla i hopi entusiasma pa kuminsá ku su reunionnan edukashonal dia 15 di ougùstùs 2023 na JCC Kwartier di 7pm pa 9pm.