BLUE NAP AMERICAS I DATASUR TA DAL PROMÉ PASO PA LANTA  CARIBBEAN DATACENTER ASSOCIATION

BLUE NAP AMERICAS I DATASUR TA DAL PROMÉ PASO PA LANTA  CARIBBEAN DATACENTER ASSOCIATION

Willemstad 26 di Yuli 2023- Blue NAP Americas (BNA) i Datasur resientemente a uni komo e promé miembronan pa lanta Caribbean Datacenter Association (CDA). CDA mester bira e organisashon ku ta uni data centernan den Karibe, pa asina sali na interés di data centernan den Karibe i probechá di e forsa ku e unión di data centernan tin pa e sentronan di data individual. Di e forma aki ta krea un ret via kua Content Delivery Networks por haña akseso efisiente na e usuario den Karibe. Karibe lo no keda mirá komo 24 pais individual, pero komo un bloke ekonómiko di alrededor di 40 mion hende.

Na mesun okashon Blue NAP Americas a bira miembro di Caribbean Telecommunication Union. Esaki ta duna Blue NAP Americas foro adekuá pa presentá i interkambiá di idea ku nétamente esnan ku ta den tomo di desishon òf ku ta stipulá maneho di e paisnan den Karibe. Por bisa ku ya kaba tin paisnan ku a mustra interés den e proposishonan presentá pa Blue NAP Americas durante di e último konferensha di CANTO.

Giovanni King, CEO di Blue NAP Americas, a bisa “Blue NAP Americas ta keda enfoká riba krea un proposishon úniko di tal forma ku nos Kòrsou i Data Center ta progresá. Sea atrabes di e proposishon úniko di Kòrsou, esta Digital Hub Americas òf atrabes di e unión di sentronan di data den Karibe, Caribbean Datacenter Association”.

King a bisa mas aleu ku Blue NAP Americas ta den palabrashon ku kompanianan di kabel supmarino pa asina krea mas alternativa di konektividat di internèt pa Kòrsou. Esaki ta kontribuí na oumentá Blue NAP Americas su funshonalidat i Kòrsou su konekshon ku mundo.