Presidente di Parlamento, sra. Charetti America-Francisca, a partisipá den e ‘Comisión de Desarollo Sostenible, Medio Ambiente, Politica Energética, Investigación, Innovación y Technología’ i tambe e ‘Foro Euro-Latinoamericano de la Mujer’.

Parlamento di Kòrsou

Djamars 25 di yüli 2023, Presidente di Parlamento, sra. Charetti America-Francisca, a partisipá den e ‘Comisión de Desarollo Sostenible, Medio Ambiente, Politica Energética, Investigación, Innovación y Technología’ i tambe e ‘Foro Euro-Latinoamericano de la Mujer’. Durante e foro miembro di Parlamento Hulandes, sra. Jorien Wuite, a duna un presentashon riba e posishon sosio-ekonómiko di hende muhénan den Reino Hulandes den kua e a hala atenshon na funshonnan klave ku varios hende muhé den e islanan di e parti Karibeño a okupá atrabes di añanan.