25 KANSION NOBO RIBA LUCHA PA LIBERTAT I TULA

31 di yüli 2023

 

Kompositornan a reakshoná na un manera fenomenal:

25 KANSION NOBO RIBA LUCHA PA LIBERTAT I TULA

WILLEMSTAD ––  A inskribí pa e gran Festival Bos di Libertat 2023, un total di 25 kansion nobo ku ta papia di Lucha pa Libertat i Tula.

Manera ta konosí, 3 di òktober próksimo, Gobièrnu di Hulanda ta bai rehabilitá Tula ofisialmente, esta rekonosé ku Tula tabata un luchadó pa libertat, igualdat i fraternidat i dun’é komo tal tur honor meresí.

Den kuadro di esaki, Asosiashon Promoshon Konsenshi Istóriko (APKI), miembro di Plataforma Sklabitut i Herensha di Sklabitut (PSHS), ta planiando  un Festival di Kansion nobo ku ta karga e nòmber Bos di Libertat.  E kansionnan akí ta bai zona prominentemente durante di Konmemorashon Abolishon di Sklabitut 2023-2024 i hopi aña mas despues.

25 INSKRIPSHON

Djaweps 20 di yüli último inskripshon a habri. Originalmente e mester a sera djaweps 27 di  yüli, pero komo ku  koriente a bai, a disidí di ekstendé esaki te ku djasabra 29 di yüli 6 or di atardi. Un total di 22 kompositor a inskribí 25 kansion ku lo  partisipá na e festival riba 30 di  sèptèmber benidero na Plasa Brion.

Mira athunto e lista di e 25 komposishonnan ku lo partisipá djasabra 30 di sèptèmber benidero na Festival Bos di Libertat 2023. Ensayonan lo kuminsá djadumingu dia 3 di sèptèmber 2023 pa 2 or di atardi. Pa kualkier pregunta o entrevista por aserka Sr. Gibi Bacilio na 563-0358 o Giovanni Atalita na 510-3227

Atentamente

Komishon Organisadó