Minister Shalten Hato MANEHO NOBO PA BUITENGEWOON AGENT VAN POLITIE (BAVPOL)

Minister Hato resientemente a risibí presentashon di e maneho nobo ku ta rigi i regulá e ròl i tareanan di BAVPOL. E maneho nobo aki, trahá den koperashon intensivo ku Kuerpo Polisial tin komo meta pa mehorá e efektividat di BAVPOL i pa mehorá e koperashon entre polis i organisashonnan ku ta hasi uzo di agentenan ekstraordinario.

E maneho aki ta pone énfasis riba desaroyo profeshonal di e agentenan ekstraordinario ku mehorashon di entrenamento pa nan por realisá nan tareanan di un forma mas efektivo. Esaki lo enserá ku e agentenan aki por hunga un ròl mas amplio den mantenshon di orden públiko i seguridat i kontribuí na un ambiente sigur i seif pa tur siudadano.

E inisiativa aki ta reflehá e kompromiso di Minister Hato pa mehorá e servisio públiko i pa garantisá seguridat den nos pais.