TRABOUNAN DI MANTENSHON DI KAYA NA KÒRSOU TA KONTINUÁ!

Willemstad – Minister Charles Cooper huntu ku Servisio pa Obra Públiko (OW) a hasi entregá di diferente ‘opdrachtbrief’ na kontratistanan, pa asina sigui ku trabounan di mantenshon di kayanan di Kòrsou.

E kayanan ku ta bai atendé ta:

1. Architectenweg (di Caracasbaaiweg te ku Kaminda Elektrishen),
2. Asteroidenweg (di Promenade te ku Antilliaanse Verffabriek),
3. Kaminda Duvert Boy Nicolina (di Caracasbaaiweg te ku Kaya Titiaro),
4. Weg naar Sint Willibrordus (di Williwood te área di stashoná outo na Daaibooi),
5. Kaya St. Jacob A (di Sun Valley te ku Kaya Merida )
6. Weg naar Sint Willibrordus (di Kunuku Aqua Resort te ku Williwood)

Esaki ta e promé sèt di kayanan i pronto lo duna mas informashon di planifikashon di e trabounan aki. Tambe, pronto lo anunsiá e di dos sèt di kayanan ku tambe ta bai drecha.

Kontratista CWM ta na enkargo di Architectenweg, Asteroidenweg i Kaminda Duvert Boy Nicolina. Kontrstista Aliansa ta na enkargó di renobashon di Weg naar Willibrordus (di Williwood te ku área di stashoná outo di Daaibooi). Kontratista OSB ta enkargá ku Kaya St. Jacoba A, i Kontratisto MNO lo renobá Weg naar Sint Willibrordus ( di Kunuku Aqua Resort te ku Williwood).