Informashon tokante kasonan di impetigo bou di mucha na Kòrsou
Willemstad – Ministerio di Salubridat a tuma nota di kasonan di impetigo bou di mucha. Impetigo ta un infekshon di kueru kousá pa e bakteria Stapylococcus Aureus. E ta un bakteria hopi kontagioso i komun bou di mucha. Generalmente e no ta peligroso i por kura ku antibiótika.
E bakteria ta drenta bou di kueru via di un herida. E ta forma pèshi kòrá ku despues ta bira blar ku vògt hel aden. E blar ta kibra i e vògt hel ta seka bira un kaska hel-maron. E kueru por grawatá i por ta doloroso.
Mayoria biaha e impetigo ta sali rònt di nanishi i boka, p’esei na Hulanda sa yam’é “krentenbaard”. Pero e por afektá tur parti di kurpa.
Un mucha ku impetigo por pasa e bakteria pa un otro mucha via su mannan òf kos di hunga.
Pe evitá ku e ta plama lihé bou di mucha ta konsehá pa bai dòkter di kas pa tratamentu i tene e mucha na kas te ora e herida a seka.
