UPDATE: Persona perdí
UPDATE: Persona perdí
Apresiabel miembro di prensa,
Durante e último dianan a sigui ku búskeda di e hòmber pèrdí, Rodrigo Thode, bou di guia di Kuerpo Polisial Hulanda Karibense (KPCN) den kolaborashon ku e avion Dash i hèlikòpter di Wardakosta. E búskeda e tuma lugá riba djaweps, djabièrnè i djasabra den Rincon i den besindario di Onima, Morotin, Karpata, Santa Barbara i Sabadeco. A buska tantu den mondi komo na kosta. Lamentablemente, e búskeda no a duna resultado.
Riba djaweps 28 di sèptèmber alrededor di 11 or di mainta tabata e último biaha ku tabatin kontakto ku e persona aki. E tabatin un karson kòrtiku koló blou i un blusa blanku ku blou bistí. Na pia e tabatin sandalia bistí.
Polis ta keda ku debido atenshon pa e kaso i ta pidi kualkier persona ku por a mira òf tende algu, tin informashon òf sa paradero di Rodrigo Thode, pa tuma kontakto ku polis na 715 8000, 911 òf via e liña di tep anónimo 9310.
