Parlamento di Kòrsou Alumnonan ku a gana e “Prinsjedag Challenge”, a duna un presentashon den Parlamento.

Djárason 18 di òktober 2023, alumnonan di e skolnan Dr. Albert Schweitzer College HAVO/VWO, Abel Tasman College i International School of Curaçao, a haña e oportunidat pa duna un presentashon durante di un enkuentro den Parlamento. Miembronan di Parlamento a hasi diferente preguntanan na e alumnonan tokante nan presentashon, siguí pa kontesta i deliberashon entre e alumnonan i Miembronan di Parlamento.
E skolnan aki a sali e ganadónan di e “Prinsjesdag Challenge”, kaminda alumnonan di diferente HAVO 4 i VWO 5 a haña e tarea pa lanta un partido polítiko fiktisio i traha un Programa di Gobernashon pa e aña benidero.
E skolnan ku e mihó Programa di Gobernashon por a gana un montante pa un fundashon òf asosiashon ku e skolnan a skohe.
“Vertegenwoordiging van Nederland” na Kòrsou, ta organisá tur aña riba e asina yamá “Prinsjesdag Challenge” e kompetensia aki.