KOMUNIKADO DI PRENSA 564/2023
30 novèmber 2023

Kaso di tiramentu ku morto

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djárason 29 di novèmber 2023 alrededor di 17.56’or di atardi, Sentral di Polis a risibí
informashon di un kaso di tiramentu ku a tuma lugá na Kaya Tamburero.
Un unidat polisial a keda dirigí na e sítio i na su yegada el a bin enkontrá ku un hòmber
drumí abou i ku no tabata duna señal di bida.
For di investigashon preliminar a sali na kla ku un vehíkulo deskonosí a pasa den e kaya
ariba menshoná i a lòs algun tiru dirigí riba e víktima.
E víktima a risibí bala na e parti ariba di su kurpa.
Ambulans a yega rápido na e sitio pero no por a hasi nada mas pa e víktima.
Alrededor di 18.45’or dòkter di polis a konstatá morto di e hòmber Jean-Carlo Filomeno Noor, nasé dia 2 di febrüari 1997 na Kòrsou.
Na e sitio polis a haña i konfiská un vehíkulo ku a risibí perforashon di bala i algun kashi di bala.
Riba òrdu di Fiskal di Ministerio Pùbliko a konfiská e kurpa di e víktima pa mas
investigashon.
Kousa di e tiramentu te ainda no ta konosí i investigashon den e kaso aki ta kontinuá.